人夫斥年輕女與懷孕太太爭位不讓座:無得救! 網民反嘲:老奉?

【港鐵/讓座/搶位】即使不是關愛座,港鐵讓座問題亦常起爭議。有人夫日前搭港鐵時,其懷孕38周的太太被1名女乘客爭位坐,於是在社交媒體公審該女乘客行為要不得,「畜(蓄)意同有需要人仕(士)搶位…呢啲行為好唔要得」,結果反引來網民圍攻,斥責人夫「老奉要讓?」、「唔係大肚就老奉大晒嘅,人哋都可能有佢嘅需要,唔使公審嘅」、「人哋有畀錢塔車就有權坐」。

有人夫日前搭港鐵時,其懷孕38周的太太被一名女乘客爭位坐,於是在社交媒體公審該女乘客行為要不得。(Facebook群組「大埔人大埔谷」)

有人夫日前搭港鐵時,其懷孕38周的太太被一名女乘客爭位坐,於是在社交媒體公審該女乘客行為要不得。(Facebook群組「大埔人大埔谷」)

該名人夫上周一(5月23日)在Facebook群組「大埔人大埔谷」發帖,指搭港鐵時有一名女乘客與其懷孕38周的太太爭位坐。人夫同時上載於港鐵車廂內拍下的爭位女乘客照片,批評「同個38周嘅大肚婆爭位坐,佢(女乘客)直頭跟喺我哋後面跟住同我哋搶位,跟住坐喺度玩電話扮聽唔到任何嘢,無得救」。

人夫強調,他針對的不是讓座問題,而是女乘客「跑埋去搶位」,「系(係)畜(蓄)意同有需要人仕(士)搶位」。他稱,該女乘客上車前便貼在他們身後,「到沙田話有位,條女一開始係撳緊電話,見到我行過嗰個位度跟住就揼地加速,喺我身後攝埋入去」,直斥「呢啲行為好唔要得」。





人夫指日前搭港鐵時,其懷孕38周的太太被一名女乘客爭位坐。(Facebook群組「大埔人大埔谷」)
人夫稱,該女乘客上車前便貼在他們身後,「到沙田話有位,條女一開始係撳緊電話,見到我行過嗰個位度跟住就揼地加速,喺我身後攝埋入去」。(Facebook群組「大埔人大埔谷」)

人夫把事件放上網公審,惟大部份網民都認為該乘客行為無大問題,「佢係咪根本冇留意到你老婆個肚」、「好聲好氣攞個位坐應該唔難」、「首先你指控搶位嘅大前提係佢知道你太太懷孕,佢喺你身後越過你哋,其實有機會有盲點睇唔到你太太個肚」。

也有不少網民反斥責樓主有問題,「老奉要讓?咁都要公審…」、「其實,你覺得自己有需要咪直接問人哋可唔可以讓位畀你囉,唔係大肚就老奉大晒嘅,人哋都可能有佢嘅需要,唔使公審嘅」、「搭車無位坐要擺人上網公審」、「人哋有畀錢塔車就有權坐」、「講X到老奉咁 好聲好氣問一定有人讓」、「其實咁小事真係唔應該影人相」、「明知個肚咁大仲要個老婆走去搭地鐵,已經好有問題」。

原文網址: 人夫斥年輕女與懷孕太太爭位不讓座:無得救! 網民反嘲:老奉? | 香港01 https://www.hk01.com/sns/article/775785




搜尋
x